السلام عليكم ورحمة الله وبركاتة
الموضوع رائع فعلا ومهم تقريبا لكل عضو لأن أغلبهم هيمرو بالموقف ده
وأنا شخصيا شدني الموضوع لأني مسني جدا
إنت عارف بقي داخلة علي جواز وفعلا قلقانة من الموضوع ده
مع إني وخطيبي عايشين في بيت واحد ( بيت عيلة ) لأنه ابن عمي وابن خالتي والمفروض ان كل واحد عارف التاني كويس بحكم العشرة والسنين
إلا إن هناك أشياء كتيرة بنختلف فيها
ومن المعروف إن أول سنة جواز هية أصعب سنة لأنها سنة الطبع والتطبع
ممكن يكون اتنين رومانسيين أو عاطفيين بس كل واحد له طريقة
ممكن يكون واحد بصمته والتاني بكلامه ( تجربة شخصية )
مش عاوزة أطول بس هقولك بعض النقاط المهمة اللي ممكن نتبعها لحل الموضوع ده ( مجرب بعض منها)
1- قبول كل طرف للأخر
2- الصبر
3- المناقشة في أي موضوع للوصول لحل مع إتباع سياسة الاقناع ( يعني اللي يقنع التاني برأيه يبقي هوه اللي يمشي)
4- تجنب الاوقات التي تكون فيها الاعصاب مشدودة والتحلي بالصمت لحين الهدوء وبدأ المناقشة
5- أهم حاجة اتقاء الله في الطرف الاخر ومعرفة كل منهم لحقوقه وواجباته وياريت لو يكون كريم ويتنازل شوية علشان مركب الحياة تسير
أتمني يكون رأي فيه شئ من الصواب ويستفيد به الاخرين